Faiz Ahmed was born at sialkot and was a very colorful personality, as much as he has been a
poet, a reformer, an army colonel, a college professor and officer in AIR, a journalist and a political
activist who was imprisioned by authorities. He was a very softsopken person. Very well versed in
classical literature, he was essentially a romantic poet who started his career by writting ghazal
but was soon drawn towards stark realities of life and was disturbed by all prevading poverty. In his
poetry is found a superb synthesis of beauty & essence, love & politics, art & thought. He created new
norms by improving old conventions. He has created a scholl of poetry and is another landmark poet
of Urdu poetry

	Duniya ne teri yaad se begaana kar diya
	tujh se bhi dil-fareb hain gham rozgaar ke
	**********

	Hui hai hazrat-e-naaseh se guftagu ji shab
	woh shab zaroor sar-e-kue-yaar guzri hai
	**********

	Aur bhi gham hain zamaane meN mohabbat ke sivaa
	raahatein aur bhi hain vasl ki raahat ke sivaa
	**********

	Woh baat saare fasaane me jis ka zikar na tha
	woh baat unk bahut naagawar guzri hai
	**********

	DostoN us chashm-o-lab ki kuch kaho jis ke baghair
	gulistaN ki baat raNgeen hai na mai-khaane ka naam
	**********

	Mil gaye ho to chalo rasm-e-duniya hi sahi
	warna yuN pursish-e-ehwaal se kya hota hai
	**********

	Gar baazi ishq ki hai, jo chaahe laga do Dar kaisa
	gar jeet gaye to kya kehna, haare bhi to baazi maat nahi
	**********

	Damaan-e-dil ko gulzaar bana rakha hai
	aao ek din dekh lo dil-e-pur khoon ka hunar
	**********

	Kar raha tha gham-e-jahaaN ka hisaab
	aaj tum yaad behisaab aaye
	har rag-e-khooN meiN phir chiraaghaaN ho
	saamne phir woh be-naqaab aaye
	**********

	Umar-e-jaaved ki dua karte
	Faiz woh itne kab hamaare the
	**********


				Ghazal

	Na ab raqeeb na naseh na ghum-ghusaar koi
	tum aashna the to theeN aashnaiyaaN kya kya
	pohaNch kar dar pe tere mautbar tehre
	agar-che raah meiN hui jag-hasaaNiyaaN kya kya
	hum aise saada-luhon ki niyaaz mandi se
	butoN ne ki haiN jahaN mein khudaaiyaaN kya kya
	sitam pe khush kabhi lutf-o-karam pe ranjeeda
	sikhaieN tum ne hameiN kaj-adaiyaaN kya kya


				Ghazal
				
	Koi hum nafas nahi, koi hum nawa nahi hai
	ek dil tha faqt apna, ab woh bhi nahi hai
	kyun dekhte rahe sitaron ki taraf hum
	jab unse mulaqat ka vaada bhi nahi hai
	marne ka tere gham me iraada bhi nahi hai
	hai ishq, magar itna zyada bhi nahi hai
	Inhi paththaron pe chal ke aa sako to aao
	mere ghar ke raaste mein koi kehkashan nahi hai



				Aashique

	Woh log khush kismat the
	jo ishq ko kaam samajhte the
	yaa kaam se aashique karte the
	hum jeete ji masroof rahe,
	kuch ishq kiya, kuch kaam kiya
	kaam ishq ke aade aata raha,
	aur ishq se kaam ulajhta raha
	phir aakhir me tung aakar hum ne
	dono ko adhoora chod diya


				Faraar

	Apni Maazi ke tasaavoor se hiraasa hoon mein    
	apni guzre hue ayyaam se nafrat hai mujhe
	apni bekaar tamanaaoo pe sharminda hoon
	apni be-sood umeedoo pe nidaamat hai mujhe      
	mere maazi ko andhere mein daba rehne do
	mera maazi meri zilat ke siwa kuch bhi nahi
	meri umeedoo ka hasil meri kaavish ka sila      
	ek benaam aziyat ke siwa kuch bhi nahi          


			Tum jo Thehar jaao

	Tum jo pal ko Thehar jaao to yeh lamhe bhi
	aane wale lamhoN ki amaanat ban jaayeN
	tum jo Thehar jaao to yeh raat, mehtaab
	yeh sabza yeh gulaab aur hum donoN ke khuwaab
	sab ke sab aise mub-ham hoN ke haqeeqat ho jaayeN
	tum Thehar jaao ke unwaaN ki tafseer ho tum
	tum se talkhi-e-auqaat ka mausam badale
	raat to kya badalegi haaalat to kya badaleN ge
	tum jo Thehar jaao to meri zaat ka mausam badale
	meharbaaN ho ke na Theharo to phir yuN Theharo
	jaise pal bhar ko koi kuwaab-e-tamanna Thehare
	jaise durweshe madaH-nosh ke pyaale meiN kabhi
	ek do pal ke liye talkhi-e-duniya Thehare
	Thehar jaao ke madaarat mai-khaane se
	chalate chalate koi ek aadh subu ho jaaye
	is se pehale keh koi lamha aainda ka teer
	is tarha aaye ke pewaste gulu ho jaaye



		Aaeeye haath uThaaeN ham bhi 

	Aaeeye haath uThaaeN ham bhi
	ham jinheN rasm-e-dua yaad nahiN
	ham jiNheN soz-e-mohabbat ke siwaa
	koi but, koi Khuda yaad nahiN 
	[rasm-e-du'A=the 'rules' of prayer, soz-e-muhabbat=passion of Love but=idol ]
 
	Aaiye arz guzareN ki nigaar-e-hasti
	zahar-e-imaroz meN shirini-e-fardaaN bhar de
	wo jiNheN tabe garaaNbaari-e-ayyaam nahiN
	unaki palakoN pe shab-o-roz ko halka kar de 
	[zahr-e-im_roz=the poison that is today
	sheereeni-e-fardaaN=the sweetness of tomorrow
	taab=power, ability; giraaNbaarI=weight, heaviness;
	ayyaam=(pl. of yaum=day) days, Life
	taab-e-giraaNbaarI-e-ayyaam=the ability to withstand the weight (bojh) of Life]
 
	Jin ki aaNkhoN ko ruKh-e-subha ka yaara bhi nahiN
	unaki raatoN meiN koi shama munawwar kar de
	jinake qadamoN ko kisi rah ka sahaara bhi nahiN
	unaki nazaroN pe koi raah ujaagar kar de
	[ruKh-e-subh=the face of morn, yaara = strength, munawwar = to light ]
 
	Jin ka deeN pairavi-e-kazbo-riya hai un ko
	himmat-e-kufr mile, jurat-e-tahaqiq mile
	jinake sar muNtazir-e-teG-e-jafa haiN un ko
	dast-e-qatil ko jhaTak dene ki taufeeq mile
	[pairavi=support, justification, kazb (also, kizb)=lying,deceit,
	riyaa=hypocrisy; kufr=defy religion; tah_qiq=inquiry]  
	teGh=sword; jafaa=tyrrany, dast-e-qaatil=the murderous hand, taufiq=ability]
 
	Ishq ka sarr-e-nihaaN jaan-tapaaN hai jis se
	aaj iqaraar kareN aur tapish miT jaaye
	harf-e-haq dil meiN KhaTakata hai jo kaNTe ki tarah
	aaj izahaar kareN aur Khalish miT jaaye
	[sarr-e-nihaaN=deeply pierced arrow, tapaaN hona=(v.) to burn 
	 iqraar=accept,  tapish=(n.) passion/heat. harf=letter (of alphabet); haq=Truth
	 Khalish=pain, fervent desire]


			Mujh se pehli se mohabbat

	Mujh se pahali si mohabbat, mere mahabuub, na maang
	maine samajhaa thaa ke tuu hai to daraKshaaN hai hayaat
	teraa gham hai to gham-e-dahar kaa jhaga.Daa kyaa hai
	teri suurat se hai aalam meiN bahaaroN ko sabaat
	teri aankhoN ke sivaa duniyaa mein rakhaa kyaa hai
	tuu jo mil jaae to taqadir nigon ho jaae
	yuun na thaa, main ne faqat chaahaa thaa yuuN ho jaae
	aur bhi dukh hain zamaane meiN mohabbat ke siva
	raahaten aur bhi hain vasl ki raahat ke sivaa
	mujh se pehali si mohabbat, mere mahabuub, na maaNg

	anaginat sadiyoN ke taarik bahimaanaa talism
	resham-o-atalas-o-kimkhaab se saje jism
	khaak meiN lithaDe hue khooN meiN nahalaae hue
	jism nikale hue amaraaz ke tanavvuroN se
	pip bahati hui galate hue naasu=uroN se
	laut jaati hai idhar ko bhi nazar kyaa kije
	ab bhi dilakash hai teraa husn, magar kya kije

	aur bhi gham hain zamaane meiN mohabbat ke sivaa
	raahateiN aur bhi haiN vasl ki raahat ke sivaa

	mujh se pahali si mohabbat, mere mahabuub, na maaNg