ضرب المثل بن جانے والی اشعار

ضرب المثل بن جانے والی اشعار

نکلنا خلد سے آدم کا سنتے آۓ تھے لیکن
“بہت بے آبرو ہو کر ترے کوچے سے ہم نکلے”۔ ۔۔۔۔۔(غالب)
بہت جی خوش ہوا حالی سے مل کر
“ابھی کچھ لوگ باقی ہیں جہاں میں “
آخر گل صرفِ درِ میکدہ ہوئ
“پہنچی وہیں پہ خاک ، جہاں کا خمیر تھا”۔۔۔۔۔(جہان دار شاہ)
سن تو سہی جہاں میں ہے تیرا افسانہ کیا
“کہتی ہے تجھ کو خلقِ خدا غائبانہ کیا”۔۔۔۔۔۔۔(حیدر علی آتش)
اگر بخشے زہے قسمت، نہ بخشے تو شکایت کیا
“سر تسلیمِ خم ہے، جو مزاجِ یار میں آۓ”۔۔۔۔۔۔۔۔۔۔(نواب اصغر علی)
وصل کا دن اور اتنا مختصر
“دن گنے جاتے تھے اس دن کے لئے “ ۔۔۔۔۔(امیر مینائ)
اب اداس پھرتے ہو سردیوں کی شاموں میں
“اس طرح تو ہوتا ہے تو اس طرح کے کاموں میں “۔۔۔۔۔(شعیب بن عزیز)
ہم طالبِ شہرت ہیں ،ہمیں ننگ سے کیا کام
“بدنام اگر ہوں گے تو کیا نام نا ہوگا”۔۔۔۔۔۔۔(شیفتہ)
دل کے آئینے میں ہے تصویرِ یار
“جب ذرا گردن جھکائ ، دیکھ لی”۔۔۔۔۔منشی ماجی رام)
عقل آرائ و تدبیر سے کیا ہوتا ہے
“وہی ہوتا ہے جو منظورِ خدا ہوتا ہے”۔۔۔۔۔۔۔۔۔( ارشاد لکھنوی)
مدعی لاکھ برا چاہے تو کیا ہوتا ہے
“وہی ہوتا ہے جو منظورِ خدا ہوتا ہے “۔۔۔۔۔۔۔۔۔۔۔۔۔(مست کلکتوی)
“بہت شور سنتے تھے پہلو میں دل کا”
جو چیرا تو اک قطراۓ خوں نہ نکلا۔۔۔۔۔۔۔۔۔۔( حیدر علی آتش )
“یادِ ماضی عذاب ہے یا رب “
چھین لے مجھ سے حافظہ مرا”۔۔۔۔۔۔۔۔۔۔۔۔۔۔(اختر انصاری)
چلا جاتا ہوں ہنستا کھیلتا موجِ حوادث میں
“اگر آسانیاں ہوں تو زندگی دشوار ہوجائے”۔۔۔۔۔۔۔۔۔۔۔۔(اصغر گونڈی)
“ہم آہ بھی کرتے ہیں تو ہو جاتے ہیں بدنام “
وہ قتل بھی کرتے ہیں تو چرچا نہیں ہوتا۔۔۔۔۔۔۔۔۔۔۔۔۔(اکبر الہ آبادی)
زمینِ چمن گلُ کھلاتی ہے کیا کیا
“بدلتا ہے رنگ آسمان کیسے کیسے “۔۔۔۔۔۔۔۔۔۔۔(آتش)
“حضرتِ داغ جہاں بیٹھ گئے ،بیٹھ گئے”
اور ہوں گے تیری محفل سے ابھرنے والے۔۔۔۔۔۔۔۔۔( داغ دہلوی)
قریب ہے یاروں روزِ محشر ، چھپے گا کشتوں کا خون کیوں کر
“جو چپ رہے گی زبانِ خنجر ، لہو پکارے گا آستین کا “۔۔۔۔۔۔۔۔۔۔۔۔(امیر مینائ)
شکست و فتح میاں اتفاق ہے لیکن
“مقابلہ تو دلِ ناتواں نے خوب کیا”۔۔۔۔۔۔۔۔۔۔۔۔۔( محمد یار خان امیر)
“عمر گذری ہے اس دشت کی سیاحی میں “
پانچویں پشت ہے شبیر کی مداحی میں ۔۔۔۔۔۔۔۔۔۔۔۔۔۔۔۔(میر انیس)
دل کے پھپھولے جل اٹھے سینے کے داغ سے
“اس گھر کو آگ لگ گئی گھر کے چراغ سے” ۔۔۔۔۔۔۔۔۔۔۔(پنڈت مہتاب رائے تاباں)
بھانپ ہی لیں گے اشارہ سرِ محفل جو کیا
“تاڑنے والے قیامت کی نظر رکھتے ہیں “۔۔۔۔۔۔۔۔۔۔۔۔۔۔۔۔(جوہر فرخ آبادی)
خرد کا نام جنوں پڑ گیا ، جنوں کا خرد
“جو چاہے آپ کا حسنِ کرشمہ ساز کرے”۔۔۔۔۔۔۔۔۔۔۔۔(حسرت موہانی)
پھول تو دو دن بہارِ جاں فضا دکھلا گئے
“حسرت ان غنچوں پہ ہے جو بن کھِلے مرجھایا گئے”۔۔۔۔۔۔۔( ابراھیم ذوق)
خط ان کا بہت خوب ، عبارت بہت اچھی
“اللہ کرے زورِ قلم اور زیادہ”۔۔۔۔۔۔۔۔۔۔۔۔۔۔۔۔۔۔( داغ دہلوی)
تنگ دستی اگر نہ ہو سالک
“تندرستی ہزار نعمت ہے”۔۔۔۔۔۔۔۔۔۔۔۔۔( مرزا قربان بیگ سالک)
اتنا نا بڑھا پاکئی داماں کی حکایت
“داماں کو ذرا دیکھ، ذرا بندِ قبا دیکھ”۔۔۔۔۔۔۔۔۔۔( شیفتہ)
آپ ہی اپنی اداؤں پہ ذرا غور کریں
“ہم عرض کریں گے تو شکایت ہوگی “۔۔۔۔۔۔۔۔۔( میر وزیر علی شاہ)
غزل اس نے چھیڑی ، مجھے ساز دینا
“ذرا عمرِ رفتہ کو آواز دینا”۔۔۔۔۔۔۔۔۔۔۔۔۔۔( سفی لکھنوی)
غم ہستی کا اسد کس سے ہو جز مرگ علاج
“شمع ہر رنگ میں جلتی ہے سحر ہونے تک”۔۔۔۔۔۔۔۔۔۔(غالب)
نیر نگیئے سیاستِ دوراں تو دیکھئے
“منزل انھیں ملی جو شریکِ نہ تھے”۔۔۔۔۔۔۔۔۔۔۔۔۔(محسن بھوپالی)
عید کا دن ہے ، گلے آج تو مل لے ظالم
“رسمِ دنیا بھی ہے، موقع بھی ہے، دستور بھی ہے”۔۔۔۔۔۔۔۔۔(قمر بدایونی)
“قسمت کی خوبی دیکھئے ، ٹوٹی کہاں کمند
دو چار ہاتھ جب لبِ بام رہ گیا”۔۔۔۔۔۔۔۔۔۔۔۔۔۔۔۔(قائم چاند پوری)
ادائے خاص سے غالب ہوا ہے نکتہ سرا
“سلائے عام ہے یارانِ نکتہ داں کے لئے”۔۔۔۔۔۔۔۔۔۔(غالب)
“ہے کواکب کچھ، نظر آتے ہیں کچھ”
دیتے ہیں دھوکا یہ بازی گر کھلا۔۔۔۔۔۔۔۔۔۔۔۔۔۔۔۔(غالب)
اچھی صورت بھی کیا بری شہ ہے
“جس نے ڈالی بری نظر ڈالی”۔۔۔۔۔۔۔۔۔۔۔۔۔۔۔۔۔۔(کیف)
میں اکیلا ہی چلا تھا جانبِ منزل مگر
لوگ ساتھ آتے گئے اور کارواں بنتا گیا۔۔۔۔۔۔۔۔۔۔۔۔۔۔(مجروح سلطان پوری)
الجھا ہے پاؤں یار کا زلفِ دراز میں
“تو آپ اپنے دام میں صیاد آ گیا”۔۔۔۔۔۔۔۔۔۔۔۔۔۔۔۔(مومن خاں مومن )
“وجودِ زن سے ہے تصویرِ کائنات میں رنگ”
اسی کے ساز سے ہے زندگی کا سوز دروں۔۔۔۔۔۔۔۔۔۔۔۔۔( علامہ اقبال)
“پھرتے ہیں میر خوار، کوئ پوچھتا نہیں”
“اس عاشقی میں عزتِ سادات بھی گئی”۔۔۔۔۔۔۔۔۔۔۔( میر تقی میر)
لائے اس بت کو التجا کرکے
“کفر ٹوٹا خدا خدا کرکے”۔۔۔۔۔۔۔۔۔۔۔۔۔۔۔۔۔۔۔۔(پنڈت دیا شنکر نسیم)
رنج سے خوگر ہو انساں تو مٹ جاتا ہے رنج
“مشکلیں مجھ پر پڑیں اتنی کہ آساں ہو گئیں “۔۔۔۔۔۔۔۔۔۔۔۔(غالب)
یہ عجیب ماجرہ ہے کہ بروزِ عیدِ قربان
“وہی ذبح کرے ،وہی لے ثواب الٹا”۔۔۔۔۔۔۔۔۔۔۔۔۔۔۔( مصحفی)
بجا کہے جسے عالم، اسے بجا سمجھو
“زبانِ خلق کو نقارہ خدا سمجھو”۔۔۔۔۔۔۔۔۔۔۔۔۔۔۔۔(ذوق)
وائے نادانی کہ وقتِ مرگ یہ ثابت ہوا
“خواب تھا جو کچھ دیکھا ، جو سنا افسانہ تھا”۔۔۔۔۔۔۔۔(خواجہ میر درد)
بیٹھ جاتا ہوں جہاں چھاؤں گھنی ہوتی ہے
“ہائے کیا چیز غریب الوطنی ہوتی ہے”۔۔۔۔۔۔۔۔۔۔۔۔۔۔۔۔۔۔(حفیظ جونپوری)
لگا رہا ہوں مضامینِ نو کے پھر انبار
“خبر کردو مرے خرما کے خوشہ چینوں کو”۔۔۔۔۔۔۔۔۔۔۔۔۔۔۔( میر انیس)
خیالِ خاطرِ احباب چاہیے ہر دم
“انیس ٹھیس نہ لگ جائے ان اآبگینوں کو”۔۔۔۔۔۔۔۔۔۔۔۔(میر انیس)
قتلِ حسین اصل میں مرگِ یزید ہے
“اسلام زندہ ہوتا ہے ہر کربلا کے بعد”۔۔۔۔۔۔۔۔۔۔۔(مولانا محمد علی جوہر)
زمانہ بڑے شوق سے سن رہا تھا
“ہمیں سو گئے داستاں کہتے کہتے”۔۔۔۔۔۔۔۔۔۔۔۔۔۔۔۔( ثاقب لکھنوی)
“گرتے ہیں شہسوار ہی میدانِ جنگ میں
وہ طفل کیا گرے گا جو گھٹنوں کے بل چلے”۔۔۔۔۔۔۔۔۔۔۔۔۔(عظیم دہلوی)
سنی حکایتِ ہستی تو درمیاں سے سنی
“نہ ابتداءً کی خبر ہے نہ انتہا معلوم”۔۔۔۔۔۔۔۔۔۔۔۔۔۔(شاد عظیم آبادی)
گئے دونوں جہاں کے کام سے ہم، نہ ادھر کے رہے نہ اࣿدھر کے رہے
“نہ خدا ہی ملا نہ وصالِ صنم ، نہ ادھر کے رہے نہ اࣿدھر کے رہے۔۔۔۔۔۔( مرزا صادق شرار)
“ہزاروں خواہشیں ایسی کہ ہر خواہش پہ دم نکلے”
بہت نکلی مرے ارماں ،لیکن پھر بھی کم نکلے۔۔۔۔۔۔۔۔۔۔(غالب)
داورِ محشر مرا نامہ اعمال نہ دیکھ
“اس میں کچھ پردہ نشینوں کے بھی نام آتے ہیں “۔۔۔۔۔۔۔۔(تاثیر)
اے ذوق دیکھ دخترِ راز کو نہ منہ لگا
“چھٹتی نہیں ہے منہ سے یہ کافر لگی ہوئی”۔۔۔۔۔۔۔۔۔۔(ابراہیم ذوق)
باغباں نے آگ دی جب آشیانے کو میرے
“جن پتوں پہ تھا تکیہ ،وہی ہوا دینے لگے”۔۔۔۔۔۔۔( ثاقب لکھنوی)
“ہوئے نامور بے نشاں کیسے کیسے
زمیں کھا گئی آسماں کیسے کیسے”۔۔۔۔۔۔(امیر مینائی)
لاؤ تو قتل نامہ مرا ، میں بھی دیکھ لوں
کس کس کی مہر ہے سرِ محضر لگی ہوئی”۔۔۔۔۔۔۔۔۔( میر محبوب آصف )
اپنا زمانہ آپ بناتے ہیں اہلِ دل
“ہم وہ نہیں جن کو زمانہ بنا گیا”۔۔۔۔۔۔۔۔۔۔۔۔( جگر مراد آبادی)
ہم رونے پہ آجائیں تو دریا بہا دیں
“شبنم کی طرح سے ہمیں رونا نہیں آتا”۔۔۔۔۔۔۔(ذوق)
“آعندلیب مل کے کریں آہ و زاریاں “
تو ہائے گل پکار ، میں چلاؤں ہائے دل۔۔۔۔۔۔۔۔۔(سعید محمد خاں رند)
نگاہ برق نہیں ، چہرہ آفتاب نہیں
“وہ آدمی ہے مگر دیکھنے کی تاب نہیں”۔۔۔۔۔۔۔(جلیس مانک پوری)
نہ چھیڑ اے نکہتِ باد بہاری، راہ لگ اپنی
“تجھے اٹکھیلیاں سوجھی ہیں ، ہم بیزار بیٹھے ہیں”۔۔۔۔۔۔۔۔(انشا ء)
راہ پہ ان کو لگا لائے تو ہیں باتوں میں
“اور کھل جائیں گے ،دو چار ملاقاتوں میں”۔۔۔۔۔۔۔۔(داغ دہلوی)
کہتے ہیں آج ذوق جہاں سے گذر گیا
“کیا خوب آدمی تھا ، خدا مغفرت کرے”۔۔۔۔۔۔۔۔(ذوق)
“زندگی زندہ دلی کا نام ہے
مردہ دل کیا خاک جیا کرتے ہیں”۔۔۔۔۔۔۔۔۔۔۔(خواجہ میر دردر)
جان دی، دی ہوئ اسی کی تھی
“حق تو یہ ہے کہ حق ادا نہ ہوا”۔۔۔۔۔۔۔۔۔۔۔۔(غالب)